01. März
Wie jedes Johr händ mer weder zwoi neui Gruppe i d Jubla ufgnoh. Be leider ned so schönem Wätter händ mer e hufe neui Gsechter döfe begrüesse. Mer hoffed natürli, dass de Tag allne ganz vel spass gmacht het ond mer Leiter en grossi Azahl neui, jongi Metgleder regelmässig amene Obig onder de Woche weder gseht chönd.
Die wöchentleche Groppestonde send jetzt för s erschte mol:
Blauring: Dienstag 18.30-20.00, 1. Gruppenstunde 11.03.08
Jungwacht: Dienstag 18.30-20.00, 1. Gruppenstunde 04.03.08
Wer sosch no i de drette Klass esch ond au inträsse het i de Jubla metzmache, de döf gern au denn i de Flädi verbieluge.
Fotos >> auf Bilder klicken
28. Februar
Leider met chli verspötig händs au no d Fötteli vom Skitag no ufs Internet gschafft.
05. Februar 2008
Ein erster Teil der Neuanpassung der Website an das neue Logo der Jubla Dottikon ist hiermit getan. Aus technischen Gründen konnte die Website noch nicht wie gewüscht in eine dynamische Seite umgebaut werden.
04. Januar 2008
A dere Stell möchte mer ois för die fählende Updates, scho lang erwartete Fotis usw. uf dere Site entscholdige.
För Ändi Januar - Afangs Februar esch en Generalerneuerig för die ganzi Site planet. Wer uf die neuschte Belder, neue Logos etc. wartet mües sech halt darom nochli gedole.
Rächts: oises neue Logo
@ alli Leiter: im Leiter - Bereich send die neue Lischtene förs 08
27. Oktober
Gester Obig het d Jubla zom erschte mol wele en Vergliich ha zösche Jongwacht ond Blaureng. Verschedeni Sache send teschted worde, z.B. wer besser cha Füür mache, schnellen en Parcour cha rönne ond no ganz vel meh. Am Schloss het sech aber usegstellt, das es be all dene chline Wettbewerb zwösche Jongwacht ond Blaureng emmer ergend welchi Manipulatione a de Spel ond Wettkämpf gäh het. Z.B händ die Einte anders Material gha, schwerigeri Ufgabe usw. De Entscheid vo de Leiter esch denn gsie, dass mer die Resultat vo geschter Zobe ned chönd lo zelle. Wie sech denn am gliich Obig usgstellt het, esch en Groppe rond om de "Darph Pfader" för die ganze Manipulatione verantwortlech gsie.
21. September
02. September
Am 18. August 2007 haben wir zum ersten Mal ein Grill-Fest im Schulhaus Hübel veranstaltet. Es wurde ein Fest für Leute aus dem Dorf und aus der Umgebung. Wir möchten uns bei allen Gästen ganz herzlich für ihr Erscheinen bedanken. Diese haben sehr viel dazu beigetragen zu diesem aus unserer Sicht sehr tollen Fest. Vielen Dank
29. April 2006
Jo es esch weder emol en Samschtig gsi, wo d'Jubla vollgas gä hed. Damol ned met Wanderschuen ond de Wüeschte Hose, sondern met de chorze Hose ond de schnelle Schue. Im Risi hed a dem Tag de Sponsorelauf för's Sola 06 statt gfonde. D'Läuferinne ond d'Läufer hend alles gä ond Rondi om Rondi anegleid. Bem Essens ond Getränkestnd hed mer sech noch de Asträngige weder chönne erhohle. Es esch weder mol en super Alass gsi, aber lueged sälber ...
>>>>>>>> FOTOS <<<<<<<<<
18. März 2006
Am Samschtig esches weder emol so wiit gsie, wie jedes Johr send neui Metgleder i d Jubla ufgnoh worde. De ganzi Tag lang händ sie verschedeni Sache gmacht ond so chli d Jubla känneglehrt.
>>>>>>>> FOTOS <<<<<<<<<
25. Februar 2006
>>Die gröschti Pizza, wo je en Jubla Schar gmacht het<<
Es wiiters mol het sech d Jubla Dottike versammlet zom en wiitere Rekord ufstelle. Do dezue semmer i Wald gange, aber ned eifach so, mer händ huufewiis Zuetate för en Pizza metgno. Do es aber in Wald gar kei Pizzaofe get, händ mer au no zersch eine müese boue. De Teig het au müese gmacht werde und dezue Zuetate vorbereitet. Die ganzi Riisepizza esch en Ofe gange...ond trara: die gröschti "Jubla-Pizza".
>>>>>>>> FOTOS <<<<<<<<<
27. Januar 2006
Wie all Johr simmer au das Johr weder i Schnee gange. Dämol hets eus id Flumserberge zoge. D'Atmospäre isch wie immer bombe mässig gsi. Nome öppis hämer ned gha: sguete wetter. Aber mer händ eus au be Nebel chöne amüsiere.
>>>>>>>> FOTOS <<<<<<<<<
14. Januar 2006
S'neue Johresprogramm isch ab höt online:
>>>>>>>> Jahresprogramm 2006 <<<<<<<<<
21. Dezember 2005
Wie jedes Johr het d JUBLA au das Johr weder es Adväntsfänschter eröffnet. Nachdem d Chend vo de Jubla gsonge händ und de Tobi es Geschechtli verzält het, esch de feini Tee ond de Läbchueche rechtig passend gsie.
>>>>>>>> FOTOS <<<<<<<<<
15. September 2005
Di ältischt Groppe het eri zwoite Megagroppi doregführt. Es esch en grossflächig agleite Postelauf gsie, es hät 2 verschendine Parteie gäh ond die send nomol onderteilt gsie in je 3 chlini Groppe. S Ziel esches gsie das jedi Partei möglechscht vel Pöschte "eroberet" het.
Es esch mol öppis ganz neuis gsie, wos i dere Art besher be de JUBLA Dottike no nie gäh hät!
>>>>>>>>FOTOS<<<<<<<<<
4. September 2005
Geschter, Samschtig 3.09.2005, esches sowiit gsie: D'Jubla Dottike het s längschte Blachezält - es Gotthardzält - ufstellt wos jee öberhaupt gäh het!!!
Mer send z Dottike im Rotebühl amene Waldrand gsie ond händ Schwiizer Militärblache zomene 42 Meter 60 Zentimeter ond es paar Millimeter lange "Zältschluuch" zämeknöpft ond somet secher en Rekord ufgstellt. Es paar Chend ond Leiter händ denn au no "teschtet" eb sechs guet lo schlofe lot, au imene so lange Zält. ;-)
>>>>>>>> FOTOS <<<<<<<<<
23. August 2005
Am Wochenänd 20/21. Auguscht hämmer zom erschte mol es Öberläbensweekend deregführt. Leider het s Wätter ned so welle, so esches aber trotzdem zo emene coole weekend cho. Mer händ vel neui Sache erläbt ond glehrt wie mer ois i de Weldnis verhalte müend, was mer ässe cha usw. Das Wochenänd hät ganz verschedeni Höhepönkt gha. ;-)
>>>>>>>> FOTOS <<<<<<<<<
11. August 2005
D Sommerferie send jetzt weder verbie, Groppestonde händ weder agfange.....
I de Sommerferie send die ältischte 2 Groppe während einer Woche imene Usbeldigslager gsie. Dete händ sie scho grondlegend glehrt, was mer so alles als Leiter mache mues, wie met der Verantwortig omgo usw. aber vor allem wie en Groppe zleite.
>>>>>>>> FOTOS + Bericht <<<<<<<<<
21. Juni 2005
Am Samschitg de 18. Juni esch Äkschen Tag gsie. Mer send in Wald gange ond händ dete halt eifach Äkschen-Spel gmacht. Zer es Gländspel wo mer met klaute Bändeli het chöne Blache ond Seili chaufe. Das Material het mer denn brucht förs 2te Spel. Es Völkerball met ganz vellne Bäll (öppe 11), im Wald, wo mer met em kaufte Material sech en Feschtig het müese boue.
>>>>>>>> FOTOS <<<<<<<<<
Met es betzteli verspötig (tuet mer leid) send jetzt au no d Fötteli vom Gottesdienscht und vom Brunch vom 12. Juni online. Mer chönd ufene sehr erfolgriche Brunch und en glongene Gottesdienscht zrog luege.
>>>>>>>> FOTOS <<<<<<<<<
26. Mai 2005
S' Voting zom PFILA esch sehr positiv usecho. Das freut natürlich s ganze Leiterteam, dass oisch das PFILA au gfalle het. :-)
17. Mai 2005
S PFILA esch verbii, mer cha gläub säge es esch super toll gsie, es het eifach gfäget. Sogar esch s Wätter rächt güetig gsie, osser bem heifahre esches eigentlech emmer guet gsie.
>>>>>>>>>>> PFILA PAGE <<<<<<<<<<<<
12. Mai 2005
Yuppi, nor no 1 Tag ond den gots ab is Pfengschtlager, also alli scho mol s Velo parat mache, luege eb de Pnö no gnue Loft denn het, ond de Morn au mol de Rocksack packe. Ond denn gseht mer sech denn am Samschtig Morge. :-)
23. April 2005
Jetzt send d'Ferie au scho fasch weder verbii. Das heisst d'Schuel fot för die Meischte weder aa. Aber s wechtigschte natürli: GROPPESTONDE send au weder i de nöchschte Woche. Ond ned vergässe d'AMÄLDIG FÖRS PFILA möglescht schnell im Groppeleiter abgäh.
20. April 2005
I de letschte Woche händ vel Leiter vo ois Groppeleiter- oder Lagerleiter-Kürs (LS 1 oder LS 2) bsuecht. Es paar send die Woche im Kors. Jetzt send au die neue Leiter offiziel vo J+S (Jugend und Sport) usbeldet. Es händ alli de Kors bestande, mer gratuliered natürlech herzlech.
7. April 2005
Höt esch Megagroppi gsie, wo die ältischt Jubla Groppe organisiert het. Mer send be leider ned so guetem Wätter im Rotebühler-Wald gsie ond händ dete es Gländspel gmacht.
>>>>>FOTOS<<<<<<
1. April 2005
Die aktive Leiter vo de'Jubla händ för alli Ex-Leiterinne ond Ex-Leiter es chlises Feschtli organisiert.
18. März 2005:
Am Fritig Obe het im Höbel oises tolle Kino stattgfonde: Mer händ " Cool Runnings" glueget. Es send alli super verchleidet gsie, händ sogar eri Bob met gno ;-)! Es esch eifach toll gsie.
>>>>>FOTOS<<<<<<
5. März 2005:
Be herrlichem Wenterwätter hät d'Jubla Dottike 2 neui Groppe ufgno. Es send vel Chend cho, was die 5 jonge Leiter ond au die ganz Jubla sehr gfreut het.
>>>>>FOTOS<<<<<<
19. Februar 2005
Mer händ uf em Söreberg oise traditionel Skitag gha. Es het super vel Schnee gha, aber s Wätter het ned ganz metgspelt. Troztdem händ mer jederziit Spass gha, egal ob bem Schlettle, Borde oder au Skifahre
>>>>>FOTOS<<<<<<