Fondueplausch 2018

Es ist wieder so weit! Der Fondueplausch steht endlich wieder an und wir können es kaum erwarten, einen unvergesslichen Abend mit all unseren Jubla-Freunden zu verbringen! Alle Informationen sind dem untenstehenden Flyer zu entnehmen und über eure Anmeldung via Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! freuen wir uns sehr!

Herbstlager 2019 - Big News!

Liebe Alle! Wir haben grossartige Neuigkeiten für euch: Wir haben uns entschlossen im kommenden Jahr ein weiteres Herbstlager durchzuführen! Ein Haus ist bereits gefunden und das Datum steht ebenfalls schon fest, also tragt euch die Daten auf jeden Fall in eure Agenda ein: Herbstlager 2019, vom 28.09.2019 bis am 05.10.2019 in ... - einige Geheimnisse behalten wir noch eine Weile für uns ;-)

Wir freuen uns schon jetzt auf eine unvergessliche Lagerwoche mit Dir!

Jublatag 2018 Infos

Wie ihr villeicht schon gehört habt, ist am 08.09.2018 der nationale Jublatag. Natürlich ist auch die Jubla Dottikon mit dabei. Damit nicht nur die Kinder und Leiter der Jubla Dottikon diesen Tag erleben können, sind auch Freunde, Eltern, Bekannte und alle, die die Jubla einmal erleben wollen ganz herzlich dazu eingeladen am Jublatag vorbeizuschauen. Desshalb haben wir ein abwechslungsreichen Nachmittag mit Action, Spass und anschliessendem Bräteln geplant. Wir freuen uns sehr ganz viele neue und bekannte Gesichter zu treffen.

Weitere Informationen gibt es in unserem Jublatag-Flyer!

Schön war's...

De Zältplatz esch leer, alles Material weder verrumet ond grad ebe beni weder suber ond frösch us de Badwanne usecho.

I blecke zrogg of zwoi Woche voller Speli, Action ond vell zwenig Schlof ond i muess säge, dass das vo mine unzählige Lager woni scho gsi ben s’tollste gsi esch ond i wed mi be allne wo do medgwörkt händ nomol herzlech bedanke.

In erster Linie, ond secher im Name vo allne wo debi gsi send, wed i de Lara, em Andrin ond em Florian danke. Sie send als Lagerleitig scho sed enere Ewigkeit dra gsi, das Lager z’plane ond händ onzähligi Stonde ond all eres Herzbluet dri investiert, dass es es onvergässlechs Lager werd ond jetzt im Nochinein muess mer säge, dass au alles super fonktioniert hed.

Zää Täg lang, jede Tag es anders, abwächsligsrichs Programm, das schafft ned emol eusi Lagerleitig eleige ond so beni froh gsi, med so eme tolle Leitigsteam chönne zäme debi z’si. Er händ alli euches Beste ge ond send jederzit parat gsi, wenns emol brönnt hed. Di tolle Stonde med euch im Zält vermessi scho jetzt ond ech hoffe, dass es weder mol es Zältlager werd ge, denn mues ech euch onbedengt cho bsueche.

Au es riese Dankeschön god an Mägge, an Roger & co wo eus di letschte zää Täg emmer verpflegt händ. Es esch au vo allne gässe worde, als hedded mer sed enere Ewigkeit nüd me z’ässe becho ond so heds eu teilwis ned emol me öbbis glanged ond er hönd euch es alternativs Menü müesse choche, do devor woddi mi be euch entscholdige. Aber ganz im ernst, er send au sälber schold, wenn das Ässe soooo guet esch, denn müender euch ned wondere, wenn au di chlinste Chend no en dretti Porion wänd.

Doch au s best vorbereitete Lager med de beste Chochi esch nüd wert, wenns kei Chend debi hed. Mer händ Knonau med eme riise Hufe onsecher gmacht ond es esch emmer toll gsi med euch, segs bem Programm, am Lagerfüür, a gmeinsame Frässpäckliparties oder bem doreblättere vo euchne Meitlimagazin.

All die Chend wo leider ned händ chönne medcho: Ehr händ definitiv öbbis verpasst, doch das werded euch euchi Gspändli scho no verzelle.

Wer i secherlech werd vermesse send die drü Häfeli-Schwöstere, emmer voll debi, jederzit ufgstellt ond emmer parat zom Seich mache. Schad, dass er wegziend, i hoffe aber trotzdem, dass mer sech im nöchste Lager weder gsed, ehr send jederzit be eus willkomme!

Ond zu guter letscht woddi no allne ganz fest Danke säge, wo eus i erged enere beziehig onterstötzt händ.

Als erst fallt mer do de Theo Michel i, wo eus di ganzi Sanitäri Irhechtig, inkl. Warmwasser, bereit gstellt hed ond au bem Uf- ond abbou devo tatchräftig medgholfe hed, ohni dech hedded mer zwoi Woche med eme Chöbel chaltem Wasser müsse dusche.

Aber au de Karl Gisi AG ond em Timo Gisi, för s’Boumaterial wo si eus zor verfüegig gstellt händ ond au d Fahrzüg, zom euses Material omefahre en riese Dank, es esch toll, emmer weder of so Sache chönne z’zelle.

Ond au de Stefan Gisi esch wechtig gsi, ohni en hedded mer ned zwöschedore chönne de Beamer vörene ond au eusi Chüelschränk heddid ke Strom gha, was em Mägge secherlech einigi Problem gmacht heddi.

Wer mer au ned vergässe döffed, isch notürlich d'Georg Utz AG, wo eus grosszügig di vele Cheschte zur Verfüegig gstellt het. S'Packe isch so vell eifach gsi und au de Transport het sich so sehr unkompliziert gstaltet. 

Ond au för em Mägge sis Riich, di tolli Chochi, es riese Dankeschön ad R. Saxer Holzbau GmbH, med dem was si eus geh händ, hedded mer no es Johr witer chönne choche.

Au allne andere, wo zo dem tolle Lager bitreid händ ond ech no vergässe han es riese Dankeschön. För mech esch es e riese Froid, dass mis letschte Lager e so es tolls Erläbniss worde esch. Ech ben zwar jetzt grad nudlefertig, werd aber secherlech super schlofe die Nacht ond mech no lang a die gueti Ziit med euch allne zrog erennere!

Aber zerscht muesi mer jetzt no die tolle Videos vo de Julia aluege ond nochher wohl oder übel sälber öbbis z Nacht organisiere, de Mägge esch jo nömme ome..

Drom chomi jetzt zomene Ändi, schalte de Computer ab ond laufe trurig ond verlore dor di todstelli Hötte..