Am heutigen Tag haben die Kinder ihren Lagertag in Reimen beschrieben. Es sind auch die Jugendlichen der Bergwanderung auf den Lagerplatz gekommen. Wir haben deshalb zwei verschiedene Erzählungen.
Gedicht von den Kindern, welche bereits gestern auf dem Lagerplatz ankamen:
Vom "Guete-Morge-Song" geweckt,
immer alli grad ufgschreckt.
S'Zmorge hemmer kauet,
nachher ufem Lagerplatz Zügs bauet.
Jetzt gseht de Lagerplatz schöner us,
Aber mer sind jetzt usem Schnuf.
Denn hemmer z'Mittag gesse,
d'Vivi aber ned vergesse.
Mit Blache und Chnöpf, mit für und Seili,
Retted mer d'Vivi ganz eilig.
Nimmer hed Öppis vo de Vivi ghört,
sogar de Chef isch drüber empört.
Gedicht von den Bergwander*innen:
Gstartet het de Tag,
Met de guete Frag
Wer weiss ächt meh als Castelle?
Niemert, drom suechet mer sie schnell.
Die Alte waged sich uf d Reis,
D Ussicht vom Berg esch na nice!
Wie sind mer überhaupt det anecho? Met em Bändli druf, drab met de Rotschbahn,
Bis zum Mittag lauft na alles nach Plan.
De Barfuessweg, dem hemmer halt ned chönne wiederstoh,
Mer hend ne müsse absolviere, bevor mer händ chönne wiitergoh.
Wiiter und immer wiiter simmer gloffe und immer konsequent,
Be allne Chuehhagdrähchrüz drü mal um de Chreisel und d Sonne het brännt.
Of de Rugghubelhütte acho ond händ leider müsse feststelle,
dass d M. Castelle eus nüüt öber Vivi cha verzelle.
Vor zwei Wuche isch sie spurlos verschwunde,
Drum hemmer sie ufem Berg ebe ned gfunde...
Na ja, de Abig hämmer trotzdem gnosse,
Steimändli baut und glücklich d Äugli gschlosse.
Träumt hämmer vom super mega feine Esse,
Ond vo de Bagger-Gschicht - die chammer ned vergesse.
Nach em Zmorge met vollem Mage los,
D'Vorfreud esch ned be allne glich gross.
Denn hemmer Ravioli of em Gstell kocht,
Ond s Glace hämmer au sehr gmocht.
Met em Zug hemmer eus denne of de Weg gmacht,
Ond debi ganz vill glacht.
Met em Oh Alélé sind mer uf de Zältpkatz ie,
D'Duschi hämmer gnosse wie no nie.